بسم الله الرحمن الرحيم....
كونى افتقد تماما لمهارة الفصال,,,وكون التجار عندنا أمينة زيادة عن اللزوم....
فأرجو الأخذ بيدى وتوضيح ازاى اقدر افاصل مع البائعين من اى نوع...
تحياتى للجميع.....
عرض للطباعة
بسم الله الرحمن الرحيم....
كونى افتقد تماما لمهارة الفصال,,,وكون التجار عندنا أمينة زيادة عن اللزوم....
فأرجو الأخذ بيدى وتوضيح ازاى اقدر افاصل مع البائعين من اى نوع...
تحياتى للجميع.....
اهم حاجة وانت رايح تشتري اي شيء تكون سال عليه الاول و تعرف سعره كام يعني لقيت حاجة مثلا عند كذا واحد سعرها بيترواح بين 100 و 110
لما تيجي تشتري بقى لو قاللك مثلا 120 انت عارف انه كده غالي او انه حس انك عايز تفاصل عشان كده زود عشان لما تفاصل برده مايخسرش
وبعدين خد بالك لازم الواحد يتنح وبعدين انت اللى معاك الفلوس يعني لو معجبكش ماتشتريش واوعي تتكسف من البائع
يعني مره مثلا بعمل اسكانر على العربيه بقول للراجل كام قاللى 50 جنيه
قولتله نعم ماتاخد العربيه احسن بالمره بقى الدنيا كلها 25 وانت تقولي 50 لاء ماينفعش كلمه كده و كلمه كده دفعت 30 و خلاص
بارك الله فيك....
وآدى اول الخيط....
انا مش عارف لما افاصل اقول ايه يعنى ؟؟؟؟!!!
يعنى لو قلتله فلان بيبيع بكذا حيقولى روح اشترى منه...بلاش اقوله فلان واقوله هى بكذا مثلا ؟؟؟؟!!! وانت بتبيع غالى وهكذا ؟؟؟؟!!
ولا فى طريقة تانية خالص ؟؟؟؟
قبل اى شئ، انا شايف ان الموضوع بيعتمد فى الاول على الشخصية، بمعنى هل الواحد جرئ ولا لأ، هل شكله بيلقى قبول لا لأ، بمعنى لو انا تاجر وفى زبون داخل عليا، بيبان من شكله هل هو طيب ولا مدقدق وعلى نياته
والاسلوب برضة بيفرق كتييييييييييييييييييييييي ييييير، من التثبيت فى الكلام والذى منه
للأسف ربنا منعمش عليا بالموهبة دى
والله يا استاذ عاطف انا عندى نفس المشكلة زيك ... وبرضه فيه موقف زى ده اقول له هى بكذا مثلاً يقول لى اللى عندى اصلية والرخيصة ما تلاقيش فيها كذا وكذا ,, ويعمل لى فيم هندى والبحر طحينة.
بقيت لما اروح اشترى حاجة باحاول آخد معايا واحد من اصحابى الشطار فى الفصال ,,,, وآدينى باحاول اتعلم معاك دلوقت
مشكورين على الافادة....
بس احنا كلنا فى أمس الحاجة الى خبير.....
ويفضل اجنبى...
يا شنووووووووووووورى.....
انا بروح للتاجر واقول له بما يرضى الله الحاجه دى آخرها كام . وهو وضميره
الفكرة ان مش كلهم عندهم ضمير....
:(
من فين فى قنا يا باشا ؟؟؟؟
انا زيك بالضبط ما اعرفش افاصل خالص يقولى كذا اديله وخلاص :majd(2): بانتظار الخبراء
متشغلش بالك بموضوع الفصال
قبل ما تشتري حاجة أو تاخد خدمة إسأل على سعرها...... مناسب ليك وإنت شايف المصلحة اللي بيحققها تساوي الفلوس دي.. ادفع وريح دماغك وخلي الناس تسترزق
لو السعر مش مناسب ليك لأي سبب أو شايفه مبالغ فيه قول للبائع ألف شكر واتدور امشي...بس خلاص
لو كل الناس عملت كده محدش حيغلي الأسعار و حتلاقي التاجر هو اللي بيمسك فيك ويتحايل عليك إنه يديلك السلعة بثمن عادل بمكسب معقول له وفايدة مناسبة لك
بارك الله فيك يا استاذ بحرى...
الاخوة الأفاضل اللى مش بيعرفوا يفاصلوا...
تم الاتفاق باجماع معظم الآراء على ان تسأل عن السعر قبل الشراء..
والله الموفق....
تحياتى...
ويا ريت لو فى نصايح ازاى ابقى زبون رزل مع تاجر رزل....
:M_yes[1]:
ادي اول الرزاله :E_braces[1]:
بص دايما البائع محتاجلك زي مانت محتاجله
ولازم هايحليللك الحاجة اللى بيبعها تقوم انت بقى تطلع فيها القطط الفاطسه بس مش بالكذب يعني
يعني يقولك دي اصليه قوله عادي يعني مهيا موجوده عند كل الناس نفس الاصلى
دي بتنور في الظلمه قوله طب في النور هاتعمل ايه هاتصفر مثلا
و كده يعني بس اهم حاجة الجرأة انا بلاحظ دايما ان ناس كتير وهيا رايحة تشتري بتبقى خايفة يمكن خايف يتضحك عليه ولا يتغش و ده بقى اكتر واحد بيتضحك عليه
خليك جرئ و انت هاتعرف تاخد حقك
وبعدين خد بالك بقى من نقطه مهمه لو بتشتري مثلا و قعدت تفاصل مع الراجل هوه قاللك 1500 جنيه مثلا لو لقيته نزلك مبلغ كبير مثلا قاللك خلاص نمشيها 1350 اعرف انه هجاس لانه 150 جنيه كتير في تمن حاجات كتير
وخد المثال ده روحت اسال على كمبيوتر للعربيه الراجل قاللى ده المفتوح و اللى بيركب على عربيات كتير قولتله انا بقى ايه يعني على اساس اني مشغل اسطول عربيات دايو و كل يوم هاركبه في عربيه
قاللى ده الاصلى قولتله المهم يقضى الغرض و يشتغل
السعر كام يا معلم قاللى 1500 جنيه قولتله ليه يعني ده اعلى سعر سمعته كان 600
يابيه والله اخره و مش عارف ايه طب بص اخره 900 جنيه طبعا كنت هاقوله كلمه مش تمام
بس ادي كل القصه
و بعدين بقى الخبراء لسه محدش قال رأيه اللى هما بقى مين البناااااات :E_braces[1]::E_braces[1]:
طبعا ماخاب من استشار
اول خطوة فى طريق الفصال انك تسال عن السعر وتعمل نفسك بتقلب فى الحاجة كويس وبعدين تسيبه وتمشى وغالبا وانت ماشى هايقولك على سعر اقل يبقى انت كدة ربطت معاه السعر بس برده ماتشتريش
وتقولله انك هاتلف شوية وتعدى عليه تانى
وكدة كدة لازم تسال على الاقل فى 3 محلات وبعدين لوحدك هاتقدر تعرف ايهما افضل وترجع تشتر منه
لكن برده لازم تاخد بالك من حاجة
ممكن تلاقى تفاوت كبير فى الارقام وده يخليك تدقق قوى فى المنتج علشان مايبقاش مضروب وده بيبان من حالة المنتج نفسه مش بس بلد المنشا
وربنا يوفقك
المشكلة ان الواحد بيعمل كدة حتى لو هايشتر كيلو طماطم
بلد مايعلم بيها غير ربنا
كنت زيك زمان كده لدرجة انى كنت بجيب الحاجة و تترمى علشان مليش نفس .
دلوقتى بدخل المحل و اشوف الحاجة و اقدر سعرها لو سعرها ماشي مع الرجل يبقي تمام لو مش ماشي بمشي انا على طول .
انا بحس ان القدرة علي الفصال دي مش حاجة مكتسبة دي حاجة الواحد بيتولد بيها يعني ناس تعرف تفاصل و ناس لأ
انا للاسف من الناس اللي لأ
انا بريح دماغي واروح اماكن السعر فيها موحد بدون فصال حتى لو اغلى سنة عشان في الاخر عمرك ما هتغلب البائع
انا بكون مع ماما والاقيها تنزل السعر للربع ولا التلت واقعد ازغدها من تحت لتحت خايفة البياع يتعصب علينا وفي الاخر الاقيه بيوافق
طبعا انا لو هفاصل هخاف اعمل زيها فريحت دماغي خالص لان اكتر حاجة بكرها الفصال سواء كانت بائع او مشتري
متفاصلشي ،،،،
ابحث كويس عن السلعة اللي انتا عاوزها
و اشتريها من أرخص سعر اتقالك
اول خطوة لضرب التاجر لو بتشترى حاجة غالية
اثاث
سيراميك
تروح الصبح
لان التاجر بيبقى لسه فاتح وعايز يستفتح زى ما بيقولوا
لكن بعد كدة خلاص
بيتنمردوا
تانى حاجة
السوق بتاع فصال ولا لا
اغلب الحاجات فى مصر فصال
لكن محدش مثلا يروح توكيل اديداس يفاصل
ولا حتى توكيل تيد لاموند
هقولكم على حوار افتراضى
انت : بكام
التاجر : 100
انت : اخرها كام
التاجر : ببلاش ليك
انت : كدة تبقى غالية علشان من الحلوين
التاجر : الغالى يرخصلك
انت : اخرها كلم
- احنا كدة هزرنا وصاحبنا البياع
نخش على الجد
التاجر 95
انت لا : 60
التاجر 90
..................
مقدار التنزبل بقى حسب خبرتك فى الشراء
وحسب السوق اللى بتشترى منه
يعنى الوكالة تفاصل فيها جامد
التوفيقية اقل شوية
طريقة تانية بقى بس ساعات مش بتصيب اوى
انت : سعرها كام ومن الاخر علشان مش عايز افاصل
وعلى فكرة
لازم التاجر يعرف انك لفيت السوق او فهمت اسوق
علشان يبقى عار فانك واخد فكرة وممكن تسيبه
كمان اكتر غلط
انك تشوف البضاعة ومتسالش على تمنها قبل ما تسيب المحل - لان لو رجعت له همش هينزل حاجة - واما يقولك
بص للتاجر باستغراب واندهاش
وسيبه
وشوف محل تانى
قول الدعاء دا قبل ما تدخل السوق او داخل محل مثلا وان شاء الله ماحدش هيغلبك في البيع, بس الاهم ان تكون نيتك صافية لله والحاجة ال هتشتريها تستخدمها في الخير , وبرضوا وانتا بتتفرج علي السلعة وقررت الشراء قول ( اللهم لا خلابة) حديث عبد الله بن عمر رضى الله عنه أن رجلاً ذكر للنبى صلى الله عليه وسلم أنه يخدع فى البيوع فقال : إذا بايعت فقل : لا خِلاَبةَ متفق عليه ـ اللؤلؤ والمرجان ـ وقوله صلى الله عليه وسلم : من غشنا فليس منا .رواه مسلم ؛ وقوله : ولا تناجشوا . متفق عليه
دعاء دخول السوق
قال الرسول صلى الله عليه وسلم من دخل السوق فقال ( لا إله إلا الله وحده لا شريك له له الملك وله الحمد يحي ويميت وهو حي لايموت بيده الخير وهو على كل شئ قدير)
كتب الله له ألف ألف حسنه ومحا عنه ألف ألف
سيئه ورفع له ألف ألف درجه وفي روايه أخرى وبنى له بيتا في الجنه.
بارك الله فيك...
يا باشا انا مليش في الفصال نهائي
وعاوز اقولك اني بكرهه
بس بتبع اسلوب تاني
ييجي مثلا البياع يقولي دي ب100 جنيه
اقوله هما 60 يمشي معاك الكلام ولا امشي علشان انا بتخنق من الفصال ومش بحبه فتعالالي في الدغري
فبييجي في الدغري معايا
ولما كنت بشتري موبيلات استعمال زمان في المحل
كنت بحط للزبون الفلوس والموبايل جنب بعض
وبقوله يا تاخد الفلوس يا تاخد الموبايل ومتتكلمش كتير
بس
دي نوعيه الفصال البسيطه اللي بستعملها
لو حد من دولة تانيى بيقرى التعليقات دى مش هيصدق اننا عايشين معاهم على نفس الكوكب او اننا فى المخابرات وبنخوض حرب تكتيكية عصيبة
ياجماعة الناس فى الدول العربية سيبكم بقى من اوروبا عشان دول خلاص بعدو قوى عننا خلينا فى دول الخليج
دى بكام بكذا خلصت خلاص
انا مكنش ليا فى الفصال
لحد مالحصللى موقفين
الاول رحت مكتبة معروفة فى المهندسين اشترى كتاب
لقيت عليه 35
قلت للكاشير فى دار الشروق ب 30
قاللى ماشى
طبعا انا اندهشت
فصال فى الكتب فى مكتبة معروفة
الموقف التانى
واحدة زميلتى كانت معايا وابنها تقريبا ادى وكانت هتجيب له نى شيرت
دخلنا محل فى شارع شبرا الرئيسى
اشترت وفصلت
انا كنت واقف مكسوف
بس اما فكرت لقيت ان البائع مكنش مضايق
الحاجات دة مش ببلاش ياعاطف
طيب انا هاخد عندك حصتين الواحدة ب 5 قلت اية ؟؟؟اقتباس:
الحصة بعشرة جنيه ومن غير فصال
دة فية واحد فى منتدى تانى بيبعها ب 4 بس علشان انت صاحبنها هانكرمك هههههههههههههههههه
اية رايك انفع ههههه